САЙЖРУУЛСАН ТҮЛШ ХЭРЭГЛЭЭНД НЭВТРҮҮЛЭХ ТУРШИЛТЫН АЖЛЫН ТАЙЛАН

Tulsh taraavНийслэлийн Агаарын чанарын алба нь 2014 оны 02 дугаар сарын 17-ноос 23-ны хооронд 7 хоногийн турш сайжруулсан түлшний хэрэглээний судалгааг СБД-ын 12 дугаар хорооны сайжруулсан зуухтай 50 айл өрхөд турших ажлыг хийж гүйцэтгэн, ажлын хэсгийн зүгээс хяналт тавин ажиллалаа.
Туршилтын хугацаанд “Шарын гол энерго “ХХК-ийн сайжруулсан түлшийг 28 айлд, “Баялаг Эрдэнэ цом” ХХК-ийн сайжруулсан түлшийг 22 айлд өөрсдийн өдөр тутмын галлагааны аргаар нь хэрэглүүлж туршилтын ажлыг зохион байгуулсан.

“Шарын гол энерго” ХХК-ын түлшийг хэрэглэсэн 28 өрх сайжруулсан түлшний талаар эерэг хандлагатай байсан бол “Баялаг Эрдэнэ цом” ХХК-ын түлшийг хэрэглэсэн 22 өрхийн хувьд сөрөг хандлагатай байлаа.

Tulsh

 

Судалгааны явц болон эцсийн дүнгээс харж, дүгнэхэд:

 “Шарын гол энерго”ХХК-ийн сайжруулсан түлш

“Шарын гол Энерго”ХХК-ийн түлшийг хэрэглэсэн 28 өрхийн санал асуулгын дүнгээс харахад уг сайжруулсан түлш нь хэрэглэхэд ямар нэгэн хүндрэлгүй, түүхий нүүрстэй харьцуулахад утаа, хөө тортог бага ялгаруулдаг бөгөөд үлдэх үнсний хэмжээ багасна гэж үзсэн. Дутагдалтай тал нь асахдаа удаан, шатаж эхлэхдээ кабель, хаймар шатаж байгаа юм шиг үнэр гардаг. Түүхий нүүрснээс илт давуу чанар ажиглагдаагүй. Эдийн засгийн хувьд түүхий нүүрстэй харьцуулахад үр ашигтай бус байна.

Shariingol tulsh

“Баялаг Эрдэнэ цом” ХХК-ийн сайжруулсан түлш

“Баялаг Эрдэнэ цом” ХХК-ны сайжруулсан түлшийг хэрэглэсэн 22 өрхөөс 9 өрх нь энэхүү түлшийг түлэхэд хурдан шатаж дуусдаг бөгөөд гэрийг дулаацуулахгүй, ямар нэгэн цавууны хиншүү маягийн хурц үнэр гаргаж байна. Илч муу, үнс их гардаг, үнс нь их халуун нурамтай гарч байгаа учир гал гарч болзошгүй зэрэг шалтгаанаар судалгааны 3 дахь хоногоос эхлэн уг түлшийг хэрэглэхээс татгалзсан.
Санал асуулгын дүнгээс харахад “Баялаг Эрдэнэ цом” ХХК-ны сайжруулсан түлш хэрэглэхэд тохиромжгүй, шахалт муу, шатаж эхлэхээрээ бутарч дутуу шатан үнстэй хамт хаягддаг, үнс маш их, илч муу, дулаанаа барьдаггүй, үнс нь цогтой нурам ихтэй учраас гал гарах аюултай, үнс нь хэтэрхий нунтаг хар саарал өнгөтэй, улаан нурам чигээрээ гарч байна. Хэрэглээний хувьд түүхий нүүрснээс их хэрэглэгдэх бөгөөд өвлийн хүйтэнд сууцыг халааж чадахгүй гэж үзсэн байна.

BETs tulsh

Судалгааны тайланг дараах холбоосуудаас татаж авч үзнэ үү.

Сайжруулсан түлшний хэрэглээний туршилтын ажилд хамрагдсан өрхийн судалгааны үр дүнг тодорхойлох сэтгэл ханамжийн судалгаа

Сайжруулсан түлшний хэрэглээний судалгааны үр дүнгийн танилцуулга

Холбоо барих

Хаяг : Улаанбаатар хот ,Чингэлтэй дүүрэг , Ц.Жигжиджавын гудамж-9
Нийслэлийн Төр Захиргааны   II байр , Хангарьд ордон 5 давхар 509 тоот

Манай зочид

Өнөөдөр 9

Өчигдөр 45

7 хоногт 91

Сард 801

Бүгд 58484