СУРГУУЛЬ, ЦЭЦЭРЛЭГ, ЭМНЭЛГИЙН ХҮҮХДИЙН ТАСГУУДЫГ АГААР ЦЭВЭРШҮҮЛЭГЧЭЭР ХАНГАЛАА.

Монгол Улсын засгийн газраас 2017 оны 12 дугаар сарын 1-ний өдөр Агаарын бохирдолтой тэмцэх талаар авч хэрэгжүүлэх зарим арга хэмжээний тухай 324 дүгээр тогтоол гаргасан. Энэхүү тогтоолын 1 дүгээр заалтад Нийслэлийн агаарын чанарыг сайжруулах 1, 2 дугаар бүсэд орших ерөнхий боловсролын сургууль, хүүхдийн цэцэрлэгийн анги танхим, эмнэлгийн хүүхдийн тасгийн өрөө тасалгааг агаар цэвэршүүлэгчээр хангах ажлыг 2017 оны 12 дугаар сарын 20-ны өдрийн дотор багтаан зохион байгуулахыг нийслэлийн засаг дарга бөгөөд Улаанбаатар хотын захирагч С.Батболдод даалгасугай” хэмээн тусгасан. Энэхүү ажлын хүрээнд 5270 агаар цэвэршүүлэгчийг нийт 2.5 тэрбум төгрөгөөр худалдан авч нийслэлийн агаарын чанарыг сайжруулах 1, 2 дугаар бүсийн сургууль, цэцэрлэгүүдийг бүрэн, Нийслэлийн дүүргүүдийн эрүүл мэндийн төв, нэгдсэн эмнэлэг, амаржих газруудын зарим хэсгийг хангаад байна.

Дэлгэрэнгүй...

Иргэдийн шилжилт хөдөлгөөнийг түр зогсоох захирамжийн хугацааг сунгалаа

Нийслэл Улаанбаатар хотын оршин суугчдын хэт өсөлт нь сүүлийн жилүүдэд хот байгуулалт, төлөвлөлт, байгаль орчин, экологийн аюулгүй байдалд сөргөөр нөлөөлж, төлөвлөлтгүй суурьшил бий болох, гэмт хэрэг зөрчил, ихсэх, замын хөдөлгөөнд хэт түгжрэл үүсэх, хүн амын эрүүл мэнд, нийгмийн халамж, үйлчилгээний салбар доголдох зэргээр эдийн засаг нийгмийн бүх талын харилцаанд хүндрэл учруулах болсон. Энэхүү нөхцөл байдал нь нийслэлийн оршин суугч, иргэдийн Монгол Улсын Үндсэн хуулийн Арван зургадугаар зүйлийн 2-т заасан иргэдийн эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхийг ноцтой хөндөж байгаагаас үүдэн Нийслэлийн Засаг дарга бөгөөд Улаанбаатар хотын Захирагч С.Батболд 2017 оны 1 дүгээр сарын 9-ний өдрийн А/17 дугаар захирамжаар хөдөө орон нутгаас Улаанбаатар хотод байнга оршин суухаар ирэх иргэдийн шилжилт хөдөлгөөнийг 2018 оны 1 дүгээр сарын 1-ний өдрийг хүртэл түр хугацаанд зогсоосон шийдвэр гаргаж байсан билээ.

Дэлгэрэнгүй...

СУРГУУЛЬ, ЦЭЦЭРЛЭГ, ХҮҮХДИЙН ЭМНЭЛЭГ, АМАРЖИХ ГАЗРУУДАД ДОТООД ОРЧНЫ АГААРЫН ЧАНАРЫГ САЙЖРУУЛАХ ТОНОГ ТӨХӨӨРӨМЖ ГАРДУУЛАВ.

Нийслэлийн ерөнхий боловсролын сургууль, эрүүл мэндийн төв, цэцэрлэгийн дотоод орчны агаарын чанарыг сайжруулах хөтөлбөр Улаанбаатар хотод өвлийн улиралд гадаад орчны агаарын бохирдол өөрөөр хэлбэл нарийн ширхэгт тоосонцор PM2.5 150-500 мкг/м3, азотын давхар ислийн хий 50-100 мкг/м3, хүхрийн давхар ислийн хий 40-10 мкг/м3 байгаа нь хүний эрүүл мэндэд сөргөөр нөлөөлөх түвшинд хүрдэг. Улаанбаатар хотын агаарын бохирдол ургийн өсөлт хөгжил, 0-5 хүртэл насны хүүхдийн уушгины хатгалгаа, насанд хүрэгчдэд уушги, зүрх судасны эмгэгт үүсэхэд сөргөөр нөлөөлж байгааг тогтоосон. Гадаад орчны агаарын бохирдол нь орон сууц, албан тасалгаа, цэцэрлэг, сургуулийн дотоод орчны агаарыг бохирдуулагч гол хүчин зүйл болдог. Хүн амьдралынхаа 2/3-аас багагүй хугацааг албан тасалгаанд, сургууль цэцэрлэгт, гэртээ зэргээр дотоод орчинд өнгөрдөг.

Дэлгэрэнгүй...

“АГААР, ОРЧНЫ БОХИРДЛЫГ БУУРУУЛАХАД ИРГЭН БҮРИЙН ОРОЛЦОО” ХЭЛЭЛЦҮҮЛЭГ АМЖИЛТТАЙ БОЛЛОО

Хууль сахиулахын их сургуулийн Эрдэм шинжилгээ, инновацийн газар,  Онцгой байдлын сургууль, Нийслэлийн Засаг даргын Тамгын газар, Агаарын бохирдлыг бууруулах газартай хамтран 2017 оны 10 дугаар сарын 12-ны өдөр  “Агаар, орчны бохирдлыг бууруулахад иргэн бүрийн оролцоо” сэдэвт хэлэлцүүлгийг Худалдаа аж үйлдвэрийн танхимд амжилттай зохион байгууллаа. Хэлэлцүүлгийн зорилго нь нийслэлийг цэвэр агаартай, эрүүл, аюулгүй амьдрах орчин болгох, агаарын бохирдлоос эрүүл мэндэд учирч буй сөрөг нөлөөллийг бууруулахад иргэн бүрийн оролцоог нэмэгдүүлэх чиглэлээр  судалгаа, шинжилгээний ажлын үр дүн, шинэлэг санал, шийдлийг хэлэлцэх, тулгамдаж буй асуудлыг тодорхойлох, судалгаа, нотолгоонд суурилсан бодлого, төсөл, хөтөлбөрийг боловсруулахад дэмжлэг үзүүлэхэд чиглэсэн зөвлөмж гаргахад оршино.

Дэлгэрэнгүй...

“Агаар, орчны бохирдлыг бууруулахад иргэн бүрийн оролцоо” сэдэвт хэлэлцүүлэг болно

Нийслэлийн Засаг даргын Тамгын газар, Хууль сахиулахын их сургуультай хамтран төрийн болон төрийн бус байгууллага, эрдэмтэн багш судлаачид, иргэн аж ахуйн нэгж байгууллагуудын оролцоотой “Агаар, орчны бохирдлыг бууруулахад иргэн бүрийн оролцоо” сэдэвт хэлэлцүүлгийг энэ сарын 12-ны өдөр Монголын Худалдаа Аж үйлдвэрийн танхимын хурлын зааланд зохион байгуулах гэж байна.

Дэлгэрэнгүй...

Холбоо барих

Хаяг : Улаанбаатар хот ,Чингэлтэй дүүрэг , Ц.Жигжиджавын гудамж-9
Нийслэлийн Төр Захиргааны   II байр , Хангарьд ордон 5 давхар 509 тоот

Манай зочид

Өнөөдөр 13

Өчигдөр 41

7 хоногт 311

Сард 1098

Бүгд 52737