НАОБТГ 
Нийслэлийн Агаар, орчны бохирдолтой тэмцэх газрын Агаарын чанар, хяналт, зохион байгуулалтын хэлтэс нь 2009 оноос хойш ЖАЙКА олон улсын байгууллагатай хамтран 2024 он хүртэл 3 үе шаттайгаа төсөл хэрэгжүүлж, орчны агаарын чанарын хяналт, шинжилгээ болон эх үүсвэрийн хаягдал утааны хийн хэмжилтийг хийж, үйл ажиллагаагаа тасралтгүй сайжруулж ирсэн.
Монгол Улсад анх удаа тус газрын Агаарын чанар, хяналт, зохион байгуулалтын хэлтсийн орчны агаарын чанарын хяналт, шинжилгээ болон эх үүсвэрийн хаягдал утааны хийн хэмжилтийн үйл ажиллагааг олон улсын чанарын удирдлагын тогтолцоо ISO-17025 стандартаар Үндэсний Итгэмжлэл Төвийн Техникийн хорооны 2022 оны 04 дүгээр сарын 07 өдрийн хурлаар магадлан итгэмжиллээ.
Магадлан итгэмжлэгдсэн тус лаборатори нь хамгийн сүүлийн үеийн технологи бүхий олон улсад хүлээн зөвшөөрөгдсөн хаягдал утаа хэмждэг багажуудаар орчны агаарын чанарын хэмжилтийн үйлчилгээг үзүүлж байна.
